Түлектерді жұмысқа орналастыру – кез-келген университет үшін кезек күттірмейтін міндеттердің бірі. Осыған байланысты П.И.Чужинов атындағы Экономика және құқық институтында тәжірибеге бағытталған білім беру үрдісі аясында студенттердің түрлі ұйымдар мен құрылымдардың басшыларымен, өкілдерімен кездесулер үнемі өткізіліп тұрады.
«Құқықтану» мамандығының студенттеріне арналған осындай онлайн-кездесулердің бірі Қостанай облысының полиция департаментінің өкілі, Қостанай облысы бойынша полиция департаментінің кадр саясаты басқармасы бастығының орынбасары, полиция подполковнигі Берік Ержановпен өткізілді. Кездесуді институт директоры Әлібек Табулденов жүргізді.
Потенциалды жұмыс беруші болашақ түлектерге жұмысқа орналасу мүмкіндігі туралы, Полиция бөліміндегі жұмыс құрылымы мен сипаттамалары туралы толық және егжей-тегжейлі айтып берді.
Кездесу барысында студенттер мамандық, еңбек шарттары, мансап мүмкіндіктері және жас мамандарға арналған қосымша мүмкіндіктер туралы жан-жақты ақпарат алды.
Мұндай іс-шаралар студенттерге жұмыс мазмұны, оның шарттары тұрғысында, болашақ жұмыс берушілердің ұсыныстары туралы ақпарат алуға, сондай-ақ болашақ мамандықтарының ерекшеліктері жайында білуге, жұмысқа орналасу мәселелерін шешуге сенімділік береді.
