«Қонақтар дәрісі» бағдарламасы аясында ҚӨУ студенттері қалалық дәрігер-консультанттар мен тәжірибелі психологтармен кездесті.
Игі шараны жаратылыстану пәндері кафедрасының оқытушылары басқарды.
«Балалар мен жасөспірімдердің жас және физиологиялық даму ерекшеліктері» пәні бойынша ҚӨУ Ө. Сұлтанғазин атындағы педагогикалық институттың 1-курс студенттеріне арнайы дәрістер мен тренингтер циклі ұйымдастырылды.
Студенттерге тақырыптық бейнематериалдар көрсетіліп, жасөспірімдердің репродуктивті денсаулығына қатысты қазіргі таңдағы өзекті статистикалық деректер ұсынылды.
Сонымен қатар жыныстық жолмен берілетін аурулардың алдын алу мәселелері де кеңінен талқыланды.
Кездесу барысында дәріс оқуға Қостанай қаласының дәрігер-кеңесшілері мен практик-психологтары шақырылды.
