Baitursynuly University жаңа зертханалар ашылды.
Бұл зертханаларды университетке серіктестеріміз - «KamLit KZ» ЖШС сыйға тартты.
Бүгін ҚӨУ-дің машина жасау және ақпараттық технологиялар факультетінде физика зертханасы салтанатты түрде ашылды.
Ал химия зертханасы ауыл шаруашылығы ғылымдары факультетінде жұмысын бастайды.
Енді студенттер өз дағдыларын осы зертханаларда шыңдайтын болады. Айта кету керек, зертханалар заманауи құрал-жабдықтармен толықтай қамтамасыз етілген.
Біздің жұмысымыздың маңызды бағыттарының бірі - «KamLit KZ» компаниясымен меморандумға қол қою болды, - деп атап өтті Baitursynuly University ректоры Сейтбек Қуанышбаев ашылу салтанатында. - Аталған келісім аясында білім беру процесін дамыту үшін айтарлықтай мүмкіндіктерге қол жеткіздік.
Жаңа зертханалар барлық заманауи талаптарға сәйкес келетін құралдармен жабдықталған.
Біздің студенттеріміз білім алу саласындағы заманауи технологияларды қолдануда тағы бір бірегей мүмкіндікке ие болғанына өте қуаныштымын.
Ректор «KamLit KZ» ЖШС-не табысты ынтымақтастық үшін алғысын білдіріп, қазіргі уақытта бұл кәсіпорында дуальді оқыту бағдарламасы бойынша білім алушы студенттердің жұмыс істеп жатқанын мәлімдеді.
«KamLit KZ» шойын құю зауытының директоры Алексей КОТОВ өз сөзінде
-Біз сіздердің университеттеріңізбен ынтымақтастық орнатқанымызға шын жүректен қуаныштымыз. Дуальді оқыту бағдарламасына қатысатын студенттеріміз табысты мансап құрып, өз ісінің кәсіби мамандары болуы үшін барлық жағдайды жасауға тырысамыз.
Сіздердің оқу орындарыңызбен жұмыс істеу біз үшін үлкен мәртебе, және сіздерге одан әрі толағай табыс пен өркендеу тілейміз! - деп атап өтті.
