ҚӨУ студенттері республикалық интеллектуалды сайыстан жүлделі оралды!

22 сәуірде Алматы қаласында, Абай атындағы Қазақ ұлттық университеті Филология және көптілді білім беру институтының ұйымдастыруымен 6В01701-қазақ тілі мен әдебиеті мамандығы студенттеріне арналған «А.Байтұрсынұлы тағылымы» атты республикалық интеллектуалды сайыс өтті. Сайысқа А.Байтұрсынов атындағы Қостанай өңірлік университетінің студенттерінен құралған команда қатысып, жүлделі 3-ші орынмен оралды. Студенттерді филология ғалымдарының кандидаты, Тіл және әдебиет теориясы кафедрасының қауымдастырылған профессоры Қарлығаш Нұрмұхаметова бастап барды.

Сайыстың негізгі мақсаты – Ұлт ұстазы А.Байтұрсынұлы мұрасы мен ұлт руханиятына қосқан үлесін жас ұрпаққа кеңірек насихаттау, олардың жан-жақты дамуына мүмкіндік беретін алаң қалыптастыру.

Интеллектуалды сайысқа ЖОО-ның «6В01701-қазақ тілі мен әдебиеті» мамандығының 2-4 курс студенттері қатысты. Барлығы 10 команда қатысты.

Сайыс үш кезеңнен тұрды:

1. Таныстырылым. Жоғары оқу орны, мамандық туралы мәлімет және топ мүшелерінің ұраны, қызығушылықтарын көрсету (5 минуттық видео).
2. Интеллектуалды сайыс. Викторинада А.Байтұрсынұлының тіл білімі мен әдебиеттану ғылымы, ұлттық жазудың негізі, шығармашылығы туралы теориялық және танымдық бағыттағы викториналық сұрақтарға жауап беру.
3. SWOT талдау. Жағдаяттық тапсырмаға SWOT талдау.

Интеллектуалды сайыс қорытындысы бойынша жеңімпаздар анықталып, олар І, ІІ, ІІІ дәрежелі дипломмен марпатталды және жүлделі орындарға сыйақы берілді.