Академик Е.А. Бөкетов атындағы Қарағанды университетінің базасында өткен ботаника бағыты бойынша аймақтық студенттік онлайн олимпиадаға А. Байтұрсынов атындағы Қостанай өңірлік университетінің «5В060700-Биология» мамандығының студенттері қатысты.
Олимпиада екі кезеңде өткізілді: бірінші кезең – студенттерді тестілеу (тест тапсырмалары мен есептерді шешу), екінші кезеңде қатысушылар жобаларды қорғады (аймақтың флорасын талдау).
ҚӨУ-нің студенттерінен құрылған команда конкурстық сынақтардан сүрінбей өтіп, 2 орынға ие болды. Команда құрамы: Алуа Өтебаева, Зарина Искакова, жетекшілері - биология ғылымдарының кандидаты, профессор Гүлнар Сұлтанғазина және жаратылыстану ғылымдарының магистрі Юлия Новак.
Биология, экология және химия кафедрасының студенттері мен оқытушыларын жеңістерімен құттықтаймыз, зерттеу жұмыстарына жаңа жетістіктер мен табыстар тілейміз!
