Журналистика және коммуникациялық менеджмент кафедрасының кезекті онлайн шеберлік сабағының қонағы облыстық «Қостанай таңы» газетінің тілшісі, мамандықтың 2012 жылғы түлегі - Қымбат Досжанова болды.
Кафедраның аға оқытушысы Гүлнұр Кәкімбектің ұйымдастыруымен «Журналистикаға кіріспе» пәні негізінде 1 курс студенттері баспасөздегі болашақ әріптестерінің қызметімен танысты. Журналистика мамандығына оқуға түскен әр студент қаламын ұштауы тиіс. Ақпаратты көркем жаза білген, сондай-ақ оны сауатты жеткізе білген маман болашақта БАҚ-тың қай саласында болмасын қызмет атқара алады. Болашақ бұқаралық ақпарат құралдарының қызметкерлерін осы саланың тәжірибелі мамандарымен таныстырып, мамандықтың қыр-сырын үйретуді жөн көрдік. Өзінің тәжірибесімен бөліскен Қымбат Досжанова студенттерді қызықтырған барлық сұрақтарға жауап берді.
Сабақ барысында студенттердің алғашқы жазба жұмыстары оқылып, нағыз маманның пікірі айтылды, талданды. Кафедраның білім алушыларына арналған мұндай кездесулер әлі де жалғасын таппақ.
