Ө.Сұлтанғазин атындағы педагогикалық институтының «Биология-химия» және «География-биология» білім беру бағдарламасының студенттері Ресей ғылым академиясының Сібір бөлімшесінің Жануарлар систематикасы және экологиясы институтының аға ғылыми қызметкері, биология ғылымдарының докторы Сергей Соловьевтың жетекшілігімен Қостанай қаласының тұрғын және саябақ бөліктерінің орнитокешендерін зерттеуге кірісті. Бұл жұмыс 2021 жылдың желтоқсан айында ҚР БҒМ қаржыландыру бағдарламасы аясында ресейлік ғалымның ҚРУ-ға сапары кезінде жоспарланған болатын. Атап айтқанда, студенттер қаланың санитарлық-эпидемиологиялық экожүйесін бағалау мақсатында басым түрлерді анықтау үшін құстардың саны мен таралуын анықтайды. Бұл болашақта орнитоз бен құс тұмауының тасымалдаушысы болуы мүмкін құс түрлерін анықтауға мүмкіндік береді. Сонымен қатар, Тобыл өзенінің жағалауындағы қалалық саябақтағы құстарды санау кезінде сирек кездесетін және жойылып бара жатқан құс түрлері, атап айтқанда, аз дақты тоқылдақ, суық торғай табылды. Зерттеушілер суық торғай Солтүстік Еуразияда таралу аймағын кеңейтуде және Тобыл өзені аңғарының ландшафттары оның жаңа мекендеу ортасына айналған деген қорытындыға келді.
Алдағы уақытта университет басшылығының қолдауымен Владимировка ауылының маңында ҚӨУ-нің профессоры, биология ғылымдарының докторы Татьяна Брагинамен бірлесіп эксперименттік жұмыстар жүргізілмек.
