Журналистика және коммуникациялық менеджмент кафедрасының төртінші курс студенттерінің оқу жоспары «Деректі фильмдер құру» пәнін қарастырады және осы пән шеңберінде жыл сайын қысқа деректі фильмдер шығарылады.
Биыл аға оқытушы Айнұр Сүлейменованың жетекшілігімен студенттер екі жоба дайындады: «Қостанайдағы пандемия» және «ФК Тобол: чемпиондық атақсыз 10 жыл». Бұл жұмыстардың барлығын ВК әлеуметтік желісіндегі «Журналисты КРУ» парақшасынан көруге болады.
Қысқаметражды деректі фильмдердің онлайн-фестивалінің ашылуы қазылар алқасының мүшелері – Журналистика және коммуникациялық менеджмент кафедрасының меңгерушісі Амангелді Шөрентаев және кафедра профессоры, сонымен қатар фестивальдің негізін қалаушы Алматай Жүсіпова мен арнайы қонақ, TengriTV продюсері, тілшісі Ирина Грибовскаямен жоба жасаушыларының кездесуі түрінде өтті.
Сарапшылар студенттердің жұмысын бағалады, кемшіліктері мен артықшылықтарын көрсетіп, болашақ мамандарға кәсіби қасиеттерін одан әрі дамытуға кеңес берді.
