Мұнда «Жаратылыстану бағыты бойынша білім беру бағдарламаларындағы қолданбалы пәндерді өзектендіру» тақырыбында стейкхолдерлердің қатысуымен әдістемелік семинар өтті.
Іс-шараның мақсаты – жаратылыстану бағыты бойынша қолданбалы пәндердің мазмұны мен құрылымының қазіргі еңбек нарығы талаптары мен сұраныстарына сәйкестігін талқылау және талдау.
Семинар жұмысына Қостанай қаласының орта білім беру ұйымдарының өкілдері қатысты: №19 мектеп директоры Анар Кабдулинова, ғылыми-әдістемелік жұмыс жөніндегі директордың орынбасары, физика-математика лицейінің педагог-зерттеушісі Оксана Дирр, «Озат» ақпараттық технологиялар мамандандырылған мектеп-лицей-интернатының химия пәні мұғалімі, педагог-шебер, ауыл шаруашылығы ғылымдарының кандидаты Карина Нугуманова, Ы. Алтынсарин атындағы мамандандырылған мектеп-гимназия-интернатының география пәні мұғалімі Меңдігүл Зейнулина.
Қатысушылар қолданыстағы білім беру бағдарламаларын қарастырып, «Биология» білім беру бағдарламасының элективті компонентіне кіретін пәндердің жекелеген бөлімдері мен тақырыптарын талқылады, сондай-ақ оларды заманауи кәсіби талаптарды ескере отырып жетілдіру бойынша ұсыныстар енгізді.
Мектеп өкілдері жоғары оқу орны мен жұмыс берушілер арасындағы сындарлы диалогтың маңыздылығын атап өтіп, осындай бірлескен іс-шараларға қатысу мүмкіндігі үшін алғыстарын білдірді.
