А.Байтұрсынов атындағы Қостанай өңірлік университетінің әскери кафедрасы запастағы офицерлер мен сержанттар дайындау бағдарламасы бойынша, әскери дайындық ережелерінің талаптарына сәйкес запастағы сержант атанғысы келетін студенттерді ақылы негізде әскер қатарына қабылдайды.
Студенттерді іріктеу әскери кафедрада оқығысы келетін студенттерге қойылатын жалпы талаптарға сәйкес жүзеге асырылады.
Оқу мерзімі – 1 жыл.
Запастағы сержанттарды даярлау бағдарламасы бойынша оқуға құжаттар бірінші, екінші курс студенттерінен (4 жыл оқитын) және 5 жыл оқитын мамандықтардың үшінші курс студенттерінен, сонымен қатар қысқартылған білім беру бағдарламасы бойынша оқитын бірінші курс студенттерінен қабылданады.
Әскери дайындық университетті бітіруден бір жыл бұрын оқу-жаттығу жиынымен аяқталады. Оқуды аяқтағаннан кейін оған «запастағы кіші сержант» әскери атағы беріледі.
