14 желтоқсанда қысқы сессиясының емтихандары басталады. Осы маңызды кезең қарсаңында университет бөлімдерінің басшылары онлайн-вебинар өткізді. Университет басшылығы кейбір техникалық мәселелердің әлі де бар екенін, сондай-ақ студенттердің GPA баллдарын арттыруға деген ұмтылыстарын түсінеді. Сондықтан университет екі жағдайды да қарастырды және емтихан алуға, сонымен қатар семестр ішілік аттестаттау нәтижелері бойынша қорытынды баға қоюға да дайын.
Осылайша, егер пән бойынша семестрлік рейтинг 50 және одан жоғары ұпай болса, онда студент емтиханға жіберіледі, содан кейін ол пән емтиханына барады ма, әлде жиынтық бағалауға келіседі ме өзі шешеді. Барлық процестер автоматтандырылған, арыз жазудың қажеті жоқ. MOODLE платформасында 11-нен 13 желтоқсанға дейін студенттер өздерінің жеке кабинетінде сұраққа жауап беріп, әр пән бойынша қорытынды бағалау формасын таңдауы керек. Қазақ және орыс тілдеріндегі вебинарлардың жазбалары Etutorium платформасында сақталады және сіздің жеке кабинетіңізде қол жетімді.
Құрметті студенттер, сіздерден алдағы емтихандарға барлық жауапкершілікпен қарауларыңызды сұраймыз, өйткені сіздің шекті GPA баллдарыңыз емтихан нәтижелеріне байланысты. Ал GPA баллдың көрсеткіші сіздің курстан курсқа ауысуыңыздың кепілі ғана емес, сонымен қатар жеңілдіктер мен гранттарға ие болу мүмкіндігіңіз.
