Baitursynuly University жаратылыстану пәндері кафедрасында «Шағын жинақты мектептерде білім беру ортасы субъектілерінің өзін-өзі дамыту жағдайындағы педагогикалық шарттар» атты әдістемелік семинар өтті.
Оған ҚӨУ оқытушылары, Қостанай облысы мектептерінің мұғалімдері, бакалавриат пен магистратураның студенттері мен түлектері қатысты.
Жаратылыстану пәндері кафедрасының меңгерушісі - Гаухар Баубекова Қазақстанда шамамен 8 мың мектеп бар екенін, олардың 67%-ы ауылдық жерлерде орналасқанын, ал 51%-ы шағын жинақты мектептер екенін атап өтті. Сонымен қатар Қостанай облысы ШЖМ саны бойынша көш бастап тұр.
Сарыкөл ауданы, Крылов жалпы білім беру мектебінің химия және биология пәні мұғалімі - Светлана Охрименко шағын жинақты мектептерде жаратылыстану ғылымдары бойынша функционалдық сауаттылықты қалыптастыру тәжірибесімен бөлісті.
Солтүстік Қазақстан облысы, Тимирязев ауданы, Ақжан негізгі мектебінің география және бастауыш сынып мұғалімі - Татьяна Аникина шағын жинақты мектептерде білім сапасын арттыру талаптары жағдайында географияны оқытудың проблемаларын талдады.
Айта кетейік, ҚӨУ мен шағын жинақты мектептер арасындағы ынтымақтастықтың нақты нәтижелері бар: ғылыми зерттеулерді жетекшілік ету, оқытуға арналған дидактикалық құралдарды әзірлеуде әдістемелік қолдау көрсету, бірлескен беделді басылымдар, ғылыми-теориялық және практикалық іс-шаралар.
Семинар барысында педагогтар мен шағын жинақты мектеп оқушыларының өзін-өзі дамытуы мақсатында ынтымақтастықты нығайту нысандары ұсынылды. Сондай-ақ жаратылыстану пәндері кафедрасының бакалавриат және магистратура білім беру бағдарламаларын жетілдіру мақсатында әзірлеушілер мен стейкхолдерлердің коллаборация мүмкіндіктері талқыланды.
