27-28 сәуірде Көкшетау қаласында Ш.Уәлиханов атындағы КМУ-де республикалық пәндік олимпиада өтті. Олимпиадаға Ө.Сұлтанғазин атындағы педагогикалық институтының «Химия», «География» ББ-ның студенттері қатысты.
Олимпиада екі кезеңде өтті: теориялық және практикалық. Екі турдың қорытындысы бойынша келесі орындар анықталды: «География» білім беру бағдарламасының 4 курс студенті Тимур Қуанышбаев жеке сайыста 2 орынға ие болды (жетекшісі аға оқытушы, география магистрі Күнсұлу Омарова). 4 курс студенттері Әділ Жаңабаев пен Олжас Жаңғабыловтан құралған «Химия» ББ командасы командалық есепте 3-орынға ие болса, жеке есепте Олжас Жаңғабылов (жетекшісі - аға оқытушы, жаратылыстану ғылымдарының магистрі Севара Дарибаева) 3-орынға ие болды.
Жаратылыстану пәндері кафедрасының студенттері мен оқытушыларын жеңістерімен құттықтаймыз!
