Психология кафедрасының аға оқытушысы Олеся Елчищева 2 және 3 курс студенттері арасында пәндік олимпиада өткізді. Мұндай олимпиадалардың мақсаты – психология студенттерінің кәсіби деңгейін дамыту.
2 курс студенттері дифференциалды психология, 3 курс студенттері медициналық психология бойынша білімдерін сарапқа салды. Студенттер олимпиадаға жақсы дайындықпен, үлкен жауапкершілікпен келіпті, әрқайсысы уақытылы, дәл жауап беруге, эссе мен құзіреттілік схемасын ерекше етіп көрсетуге және өз білімдерін толық көрсетуге тырысты.
Қазылар алқасының құрамында психология кафедрасының 2021 жылғы түлегі, қазіргі таңда №6 мектептің психологы Александра Скайло; Психология кафедрасының аға оқытушысы Гульнара Саткангулова және 4 курс студенттері болды. Олар сайысқа қатысушы студенттердің шығармашылық қабілеті мен жоғары білім деңгейіне таң қалып, білімдерін одан әрі сіңіріп, танытуға, соған ұмтылып, болашақ маман ретінде қалыптасуына тілектестік білдірді.
Бұл олимпиадада жеңілгендер болған жоқ, білім мен достық жеңді.
