Baitursynuly University әскери кафедрасының 44 студенті салтанатты жағдайда ант қабылдады. Әсерлі сәтті олардың ұстаздары ғана емес, туыстары да бірге бөлісті.
Жігіттер мотоатқыштар мен байланыс әскерлері маманы болу үшін бір жыл оқыды. Жақында оларға запастағы кіші сержант шені беріледі.
Сіз де негізгі білім беру бағдарламасымен қатар әскери билет пен әскери шен алғыңыз келе ме? Әскери кафедраға құжат тапсырыңыз!
Запастағы офицерлерді даярлау бағдарламасы бойынша оқу 2 жыл, запастағы сержанттар шенін алып шығу үшін бір жыл оқиды. Бұл ұлдарға да, қыздарға да ортақ.
Айта кету керек, қыздар тек запастағы офицер бағдарламасы бойынша оқи алады.
Ақпаратты әзірлеген — Baitursynuly University журналистика және коммуникация менеджменті кафедрасының 3 курс студенті Сәуле СЕЙТЕНОВА.
