Университет студенттерімен кері байланысты қолдау мақсатында А.Байтұрсынов атындағы ҚӨУ-нің ректоры Алма Досщановамен және әр түрлі кафедра өкілдерімен дәстүрлі онлайн-кездесу өтті. Конференцияның негізгі тақырыптары университеттің таяу болашақтағы академиялық саясаты, сондай-ақ стипендия төлеу мәселесі болды.
Кездесу барысында студенттерге семестрлік рейтингтің емтиханға жіберілуге әсері туралы еске түсірілді. Ол дененіміз студенттің семестрлік рейтингі 50% -дан жоғары немесе тең болса, онда студент емтихан тапсыра алады, ал егер 50% -дан төмен болса, онда студент жазғы семестрге қалады. Осы семестрде университеттің академиялық саясатындағы маңызды өзгеріс - жиынтық бағалауды қолданудан толық бас тарту, яғни оқу бағдарламасы аяқталғаннан кейін оқу формасы мен мамандығына қарамастан барлық студенттер университетке шақырылады. Олар емтихандарды дәстүрлі форматта тапсырады. Дипломдық жұмыстар да офлайн қорғалады. Бірінші проректор Арман Исмаиловтың айтуынша, қорытынды емтихандар ауызша, компьютерлік және басқа да формаларда университет ғимараттарында оқытушылар мен тиісті қызметтердің бақылауымен өтеді.
Соңғы курстар үшін қорытынды аттестаттау университет қабырғасында жүзеге асырылады. Осы жылы барлық студенттер диплом жазып, қорғауға міндеттенеді. Бірақ диплом жазудан босатылатын студенттер де бар. Оларға дипломдық жұмыстың орнына екі кешенді емтихан тапсыруға рұқсат етіледі. Диплом жазудан босатылатын студенттер санаты:
1) денсаулығына байланысты стационарда ұзақ уақыт емделіп жатқан студенттерге;
2) ерекше білім беру қажеттіліктері бар адамдар: мүгедек балалар, бала кезінен мүгедек жандар, І топтағы мүгедектер;
3) жүкті әйелдер немесе 2 жасқа дейінгі балалары бар аналар;
4) оқуды аяқтап жатқан сырттай бөлім студенттері;
5) соңғы курстағы сырттай бөлім студенттері.
Кездесу барысында Қаржы департаменті студенттермен стипендияға: оларды есептеу мөлшері мен мерзіміне байланысты түсіндіру жұмыстарын жүргізді. Барлық сұрақтар бойынша студенттерге бухгалтерияға 51-11-45 телефоны бойынша немесе бас ғимараттың 130 кабинетіне хабарласу ұсынылады.
