Baitursynuly University экономика және құқық факультетінің 1-курс студенттері өткенге қызықты саяхат жасады.
Филология және практикалық лингвистика кафедрасының инновациялар айлығы аясында аға оқытушылар Газиза Шолпанбаева мен Куралай Иргизбаева студенттерге арнап Ыбырай Алтынсарин мұражайына экскурсия ұйымдастырды.
Музей қорында 11 820 экспонат сақталған. Мұнда жазушының шығармашылығы мен өмірі туралы кітаптар, оның жеке заттары, мектеп макеттері, фотосуреттер, естеліктер жинақталған.
Экспонаттар педагог-ағартушының өмірі мен қызметін ғана емес, Қазақстандағы халықтық білім беру жүйесінің қалыптасуы мен дамуын да көрсетеді. Торғай облысында мектеп инспекторы болған Ыбырай Алтынсарин төрт орталық училище, екі сынып, бес болыстық мектеп, орыс қоныстанушыларының балаларына арналған екі училище ашты және қыздар мен қолөнершілер білімінің негізін қалаушылардың бірі болды.
Экскурсия барысында студенттер ағартушының өмірі мен шығармашылығы туралы көптеген жаңа мағлұматтар алды.
