«Шетел филологиясы» және «Аударма ісі» білім беру бағдарламаларының 3 курс студенттері қатысқан неміс тілінен олимпиада аяқталды. Олимпиада қатысушылары үздік білімдерін және өз ойларын неміс тілінде еркін жеткізе алу қабілеттерін түрлі тақырыптарды талқылау барысында көрсетті.
Олимпиада 2 кезеңнен тұрды. Бірінші күні студенттер лексико-грамматикалық тест жұмыстарын шешті, видеоға негізделген тапсырмаларды орындады. Бірінші турдың нәтижелері бойынша ең көп ұпай жинаған студенттер екінші турға жолдама алды. Бұл кезеңде қатысушылардың әрқайсысы «Менің өмірім 20 жылдан кейін» тақырыбында видео презентация немесе слайд-шоу жасады. Әр студент бұл тапсырмаға өзіндік, шығармашылық тұрғыда ойларын ұсынды.
Шетел филологиясы кафедрасының оқытушылары Қайырлы Мұстафина мен Зәуре Алпыспаева олимпиадаға барлық тілек білдірген студенттер қатыса алатынын және бұл болашақ тіл мамандарына сөйлеу дағдысын қалыптастыру үшін жақсы мүмкіндік екенін атап өтті. Олимпиада жыл сайын дәстүрлі түрде өткізіліп тұрады.
Студенттер университет жобаларына белсенді қатысқаны үшін алғыс хаттармен марапатталды.
