А.Байтұрсынов атындағы Қостанай өңірлік университетінің халықаралық ынтымақтастық және шетелдік студенттерді рекрутингтеу бөлімі Веллоре технологиялық институтының (VIT, Үндістан) өкілдерімен онлайн кездесу өткізіп, оның барысында ынтымақтастықтың мүмкіндіктері мен негізгі бағыттары қарастырылды, университеттер арасындағы байланыс анықталды. Іс-шараға университеттің стратегиялық даму және цифрландыру жөніндегі проректоры м.а. Арман Исмаилов, оқу ісі жөніндегі проректор Ербол Исакаев, институт директорлары мен кафедра меңгерушілері қатысты.
VIT – 2020 жылғы Шанхай Дүниежүзілік Университеттер Рейтингінде (ARWU) ең жақсы 9 оқу орнының қатарына кіреді және ол Шанхай рейтингі жариялаған Үндістандағы жалғыз білім мекемесі.
Кездесу барысында университеттер арасындағы өзара іс-қимылды дамыту, өзара ынтымақтастық туралы меморандумға қол қою және интернет-технологиялар, киберқауіпсіздік, деректерді талдау, жасанды интеллект, орыс тілін оқыту салаларындағы байланыстарды одан әрі орнату, сондай-ақ жарияланымдар, бірлескен конференциялар мен потенциалды арттыру және Эразмус + ұтқырлық жобаларын жүзеге асыру туралы шешім қабылданды.
