В.И.Двуреченский атындағы ауыл шаруашылығы институтының «Ветеринария және ветеринариялық санитария» кафедралары Қостанай облысы әкімдігінің ветеринария департаменті, Қостанай облыстық аумақтық инспекциясы, ҚР Денсаулық сақтау министрлігінің Қостанай облысы бойынша санитарлық-эпидемиологиялық бақылау департаменті, «КазНИВИ» ЖШС-нің Қостанайдағы филиалы, Қостанай облысының ветеринариялық станциясы өкілдерінің қатысуымен «Қостанай облысында ірі қара және ұсақ малдың бруцеллезінің алдын алу және күресу шаралары» тақырыбында бірлескен дөңгелек үстел өткізді.
Қостанай облысының ветеринария басқармаларының басшылары мен бас мамандары, университеттің профессорлық-оқытушылық құрамы, сондай-ақ кафедралардың соңғы курс студенттері бруцеллездің алдын алудың өзекті мәселелерін талқылады. Ұйымдастырушылар кафедраның барлық іс-шараларына әрқашан ықыласпен қатысатын жұмыс берушілерге алғыстарын білдірді. Бiлiктi кадрларды даярлау мәселесiне ғылымның, өндiрiстiң және университеттердiң ықпалдасуы оң нәтиже берiп отырғандықтан, мұндай шаралардың маңызы зор.
Баяндамашылардың баяндамаларынан кейін сұрақ-жауап форматында пікірталас өтті, оған студенттер барынша белсенді қатысты.
Сондай-ақ, дөңгелек үстел барысында ветеринариялық ұйымдардың өкілдерімен мүдделі тараптар ретінде зертханалық және тәжірибелік сабақтарға қатысу мүмкіндігі туралы келісім жасалды.
Семинар соңында студенттер жануарлардың жұқпалы аурулары туралы теориялық білімдерін бекітіп, бруцеллездің таралуының алдын алу бойынша жүргізіліп жатқан ветеринариялық-санитариялық шараларды талдады.
