ИнженерTech-2025: мектеп оқушылары технология әлемінде

Инженерлік академияның ұйымдастыруымен Baitursynuly University өткен ИнженерTech-2025 шарасында ауыл мектептерінің оқушылары инновациялар мен заманауи технологиялар әлеміне саяхат жасап, пәндік олимпиадада өз білімдерін сынап көрді.

– ИнженерTech-2025 - бұл дәстүрге айналған шара, оны біз демалыс кезінде арнайы ұйымдастырамыз, - деп атап өтті ҚӨУ-дің академиялық мәселелер жөніндегі проректоры Эльмира НАУРЫЗБАЕВА. – Бұл тек білім байқауы ғана емес, сонымен қатар жаңа достар табуға, тәжірибе алмасуға және болашаққа бағыт-бағдар алуға мүмкіндік береді.

Шараға Қарабалық, Сарыкөл, Федоров және Қостанай аудандарынан келген оқушылар қатысты. 7-10 сынып оқушылары үшін шығармашылық, техникалық ойлауды дамытуға бағытталған қызықты байқаулар мен іскерлік ойындар өткізілді.

Ал 11-сынып оқушылары физика, математика және информатика пәндері бойынша олимпиадаларда өз білімдерін дәлелдеді. Жеңімпаздарға ҚӨУ ректоры Сейтбек Қуанышбаев арнайы дипломдар мен құлаққап, дыбыс бағанасы және power bank сынды сыйлықтар табыстады.

Информатика:

• 1-орын – Рамазан Кантаев, Максим Горький атындағы жалпы білім беретін мектеп (Қарабалық ауданы)
• 2-орын – Арсений Берестовой, №5 мектеп-лицей (Лисаковск)
• 3-орын – Алексей Олефир, №5 мектеп-лицей (Лисаковск)

Математика:

• 1-орын – Инабад Изтулина, №1 Урицк жалпы білім беретін мектебі (Сарыкөл ауданы)
• 2-орын – Александра Багмут, №5 мектеп-лицей (Лисаковск)

Физика:

• 1-орын – Иван Саламатов, №5 мектеп-лицей (Лисаковск)
• 2-орын – Мансур Жумабаев, №5 мектеп-лицей (Лисаковск)
• 3-орын – Любовь Лысенко, №5 мектеп-лицей (Лисаковск)

Қатысушыларға алғысымызды білдіреміз! Baitursynuly University қабырғасында сіздерді болашақ студент ретінде күтеміз!