Бүгін, 22 ақпанда А.Байтұрсынов атындағы Қостанай өңірлік университетінде инновациялар панорамасы басталды.
Инновациялар панорамасы – бұл кәсіби даму және университет оқытушысының педагогикалық құзыреттілігін арттыруға бағытталған ғылыми-әдістемелік шаралар топтамасы. Панорама бір айға созылады, осы аралықта университеттің әр институты өз бағдарламасын ұсынады.
Панорама аясында келесі бағыттар ұсынылады:
- жаһандық тенденциялар мен бағдарларды ескере отырып, сұранысқа ие құзыретті кадрларды даярлауды қамтамасыз ететін аймақ мүдделеріне бағытталған инновациялық қосымша білім беру бағдарламаларынын ұсыну;
- заманауи тәсілді жалпылау және таныту, оқытушылардың ақпараттық-коммуникациялық және технологиялық құзыреттілігін арттыру;
- білім беруде озық технологиялар мен инновацияларды интеграциялау.
Инновациялар айлығын ауылшаруашылық және педагогика институттары ашады. Бүгін бірқатар іс-шаралар өтеді, бұл туралы біз университет сайтында және университеттің әлеуметтік парақшаларында міндетті түрде хабарлайтын боламыз.
