Бүгін А. Байтұрсынов атындағы Қостанай өңірлік университетінде Фулбрайт бағдарламасының стипендиаты АҚШ азаматы Сэйди Риттермен (Saide Ritter) және АҚШ Елшілігінің қызметкерімен кездесу өтті.
Фулбрайт бағдарламасының негізгі міндеті Қазақстанның студенттері, оқытушылары мен жастары арасында ағылшын тілі дағдыларын жетілдіру болып табылады.
Сэйди Риттердің бакалавр дәрежесі және ересектер мен иммигрант балаларға ағылшын тілін үйрету тәжірибесі бар. Бұл дегеніміз, 10 ай ішінде, яғни бүкіл оқу жылында Сэйди біздің университетте ағылшын тілін үйретеді, ал студенттер ана тілінде сөйлейтіндермен тіл үйренуге тамаша мүмкіндік алады.
Сонымен қатар, Сэйди грант аясында Л. Толстой атындағы облыстық кітапхана жанындағы «Америка бұрышында» студенттерге арналған түрлі сөйлесу клубтарын өткізеді, ол жерде АҚШ-тың мәдениеті, тарихы, географиясымен танысуға болады. Өз кезегінде қазақстандық студенттердің де осы бағдарламаға қатысуға және осылайша АҚШ-тағы университеттерде оқуға мүмкіндігі бар.
