Бүгін А.Байтұрсынов атындағы Қостанай өңірлік университетінің ректоры Сейтбек Қуанышбаев Францияның Ренн қаласындағы Жоғары саяси мектептің 3 курс студенті Adrien Mazenc-пен кездесті.
Адриен Ө.Сұлтанғазин атындағы педагогикалық институтының шет тілдері және П.Чужинов атындағы Экономика және құқық институтының шетел филологиясы кафедраларында тағылымдамадан өтеді. Тағылымдама мерзімі – 4 ай.
Тағылымдама аясында студенттермен француз тілінде мәдени іс-шаралар өткізу жоспарда бар.
Кездесу барысында тараптар пікір алмасып, университеттер арасындағы өзара тиімді ынтымақтастықты одан әрі дамыту мәселелерін талқылады.
Адриен университет басшылығына жылы қарсы алғандары үшін алғыс айтты.
