Француз тілі мұғалімдері күні

Читать: 2 мин 30.11.2020

Лингвистикалық ғылыми-білім беру зертханасы А.Байтұрсынов атындағы Қостанай өңірлік университетінің француз тілі оқытушыларымен және Franceaise des Professeurs de Français француз тілі мұғалімдерінің қазақстандық қауымдастығымен бірге 6 қарашада бүкіл әлемде атап өтілетін Халықаралық француз мұғалімдері күнін (JIPF 2020) ұйымдастыруға және өткізуге белсенді қатысты.

Биыл бұл күнді атап өту шарасы Қазақстанда коронавирустық пандемияға байланысты өзін-өзі оқшаулаудың қазіргі жағдайын ескере отырып, қашық форматта өткізілді.

JIPF-2020 мерекелік бағдарламасы Орталық Азиядағы француз тілі мұғалімдерінің қауымдастығы үшін бірқатар іс-шараларды қамтыды.

Күні бойы Қазақстан, Қырғызстан, Өзбекстан, Тәжікстан және Түркіменстан мұғалімдері цифрлық форматтағы іс-шараларға қатысты.

Қазақстандық француз тілі мұғалімдерінің қауымдастығы мен лингвистикалық ғылыми-зерттеу және білім беру зертханасы француз тілін оқитын оқушылар мен студенттерге арналған #Bonnefêtemonprof челленджін, сондай-ақ оқытушыларға арналған «Сабыр сақта және француз тілін оқыт» видео-байқауын, өзекті мәселелерді талқылауға арналған дөңгелек үстелді дайындау барысында белсенді жұмыс жасады.

Ахмет Байтұрсынов атындағы Қостанай өңірлік университетінің француз тілі оқытушысы Маргарита Тричикті қазылар алқасының мүшелері, Бельгияның Қазақстандағы елшілігінің өкілдері ерекше атап өтті, сондай-ақ ол бейнеконкурста үшінші орынды иеленді.

Сонымен қатар, біздің 2 оқытушы, Маргарита Тричик пен Эльвира Медетова қазан-қараша айларында өткен 2020-цифрлық марафонында лауреат атанды, олар 5 апталық біліктілік арттыру курсына қатысуға мүмкіндік алды және француз тілін оқытудың цифрлық платформаларын бір жыл бойы тегін қолдануға рұқсат беретін жазылымға ие болды. Құрамына Францияның Қазақстандағы және Өзбекстандағы елшіліктерінің өкілдері кіретін қазылар алқасы біздің мұғалімдердің деңгейін жоғары бағалады.

КГУ