Франция елшілігі екінші жыл қатарынан Қазақстанда «Оқу кештерін» өткізеді. 2020 ж француз мәдени желісінің мекемелері өткізген «Оқу кештері» Қазақстанның 5 қаласында өтті. Алматы, Нұр-Сұлтан, Шымкент, Қарағанды және Қостанай қалаларында бұл мәдени шара 175 қатысушының басын біріктірді.
Биылғы Оқу кештері Қазақстанның жеті қаласында өткізілмек. Ұйымдастырушылар қатарына, Француз Альянстары мен А.Байтұрсынов атындағы Қостанай өңірлік университетінің халықаралық қатынастар бөлімі жанында жұмыс істейтін Қостанай қаласының француз мәдени орталығынан басқа, Өскеменнің французша оқу залы және Атырау қаласындағы франкофондар клубы қосылды.
Қостанай қ. француз мәдени орталығыныңбағдарламасында екі шара: 21-қаңтарда (онлайн) – көркем әдебиет туындыларының желісі бойынша түсірілген кино туындыларға шолу және 23-қаңтарда (офлайн) «Мадам Бовари» романын талдау айналасындағы кездесу.
Алғашқы Оқу кештері Францияның мәдениет министрлігінің бастамасы бойынша 2017 ж өткізілді. Бұл бастама тек Францияда ғана емес, өзге елдерде де қолдау тапты. Жыл сайын әлемнің түкпір-түкпірінде орналасқан кітапханалар, бірлестіктер, дискуссиялық клубтар француз әдебиетіне құрмет ретінде ойын және мереке атмосферасында Оқу кештерін ұйымдастырады. 2017 жылдан бері кештерге қатысушылар саны тек ұлғаюда. Мәселен, 2020 ж. әлем бойынша өткізілген 6 000 шараға 650 000-нан астам түрлі жастағы адам қатысты.
