Қазақстан - Башқұртстан: ынтымақтастық перспективалары

А.Байтұрсынов атындағы Қостанай өңірлік университеті мен «Башқұртстан Республикасы ғылыми-білім беру орталығының басқарушы компаниясы» автономиялық коммерциялық емес ұйымы арасында ынтымақтастық келісімге қол қойылды.

Аталмыш келісімге сәйкес тараптар оқу, зерттеу және баспа қызметі бойынша өзара ынтымақтастықта болады деп күтілуде.

Ынтымақтастықтың негізгі бағыттары:

• ғылым мен білімнің дамуына арналған ғылыми конференцияларға, семинарларға, кездесулерге және басқа да іс -шараларға бірлесіп қатысу;
• халықаралық іс-шараларды ұйымдастыру және өткізу (симпозиумдар, конференциялар, семинарлар, кездесулер мен ресми қабылдаулар);
• ғылыми, педагогикалық, әкімшілік қызметкерлерді білім беру және ғылыми бағдарламалар мен жобаларға тарту;
• білім беру бағдарламаларын, ғылыми-зерттеу және тәжірибелік-конструкторлық, технологиялық жұмыстарды әзірлеу, сонымен қатар енгізу бойынша жоба-ұсыныстарды бірлесіп дайындау және ұсыну;
• тәжірибе алмасу және қызметкерлердің біліктілігін арттыру.

ҚӨУ-і ректоры атынан құжатқа бірінші проректордың м.а. Арман Исмаилов және Башқұртстан Республикасы ғылыми-білім беру орталығының басқарушы компаниясының жетекші ғылыми қызметкері Рафиль Асылгужин қол қойды.