А. Байтұрсынов атындағы ҚӨУ арнайы білім беру кафедрасы «Арнайы және инклюзивті білім беру ортасында жұмыс істеу үшін жоғары білім беру жүйесіндегі мамандарды даярлаудың теориясы мен тәжірибесі» атты Халықаралық flash-семинар өткізді.
Семинарға қазақстандық және шетелдік жоғары оқу орындарының ғалымдары, Қостанай қаласы мен облыстың арнайы және инклюзивті білім беру ұйымдарының басшылары, практикалық мамандары, сондай-ақ ЖОО-ның оқытушылары, арнайы және инклюзивті білім беру ұйымдарында жұмыс істейтін мамандар, «6В019 Арнайы педагогика» білім беру бағдарламасының студенттері қатысты.
Семинардың мақсаты – арнайы білім беру ұйымдарында және инклюзия жағдайында жұмыс істеу үшін жоғары білім беру жүйесінде арнайы педагог студенттерді (дефектологтарды) даярлаудың теориялық және практикалық тәжірибесін жинақтау және арнайы педагогтарды жоғары оқу орнынан кейінгі даярлау тәжірибесінің сабақтастығын дамыту.
Семинардың бай бағдарламасы, ғалымдардың қызықты баяндамалары, стейкхолдерлердің өзекті пікірлері, студенттердің пікірлері – ЖОО-да студенттерді-болашақ арнайы педагогтарды даярлау сапасын жақсарту мәселесі бойынша сындарлы диалог атмосферасын құруға мүмкіндік берді.
