Астанада мектеп оқушылары мен студенттерге қаржылық қауіпсіздік негіздерін үйретуге арналған Қазақстан-Ресей форумы өтті.
Іс-шараға Қазақстан Республикасының Қаржылық мониторинг агенттігінің төрағасы Жанат Элиманов, ҚР Ғылым және жоғары білім министрі Саясат Нурбек, сондай-ақ сарапшылар мен Қазақстан мен Ресейдің жоғары оқу орындарының өкілдері қатысты.
Форумда Baitursynuly University атынан әлеуметтік-тәрбие жұмысы жөніндегі проректор Нұрлыхан Темірбеков сөз сөйледі.
Өз сөзінде министр Саясат Нурбек қаржылық сауаттылықты арттыру бойынша жүйелі жұмыс жүргізудің маңыздылығын атап өтті:
- Кибералаяқтықтың өсуі жағдайында біз университеттер мен мектептерде қаржылық қауіпсіздік бойынша курстар енгізе бастадық, олар маңызды тақырыптарды қарапайым тілмен түсіндіреді.
Сондай-ақ білікті мамандарды даярлау үшін халықаралық ынтымақтастықты жалғастыру аса маңызды.
Ресей Федерациясының Қаржылық мониторинг жөніндегі федералдық қызметінің директоры Юрий Чиханчин Қазақстан мен Ресей арасындағы қаржылық қауіп-қатерлерге қарсы іс-қимыл саласындағы көпжылдық ынтымақтастық туралы өз пікірін білдірді.
Ресейдің жетекші жоғары оқу орындарының ректорлары білім беру жүйесінде қаржылық қауіпсіздікті ілгерілету тәжірибелерімен бөлісті.
