Baitursynuly University «Болашақ психологтарының негізгі құзыреттіліктері» атты психология кафедрасы түлектерінің I Форумы өтті. Форумға әр жылдардағы түлектер, соның ішінде кәсіби жолын енді бастағандардан бастап, үлкен жетістіктерге жеткен мамандарға дейін қатысты.
ҚӨУ-ден шыққан кәсіби мамандар арасындағы байланысты нығайту және тәжірибе алмасу идеясы үлкен қолдау тапты. Форумға теориялық және практикалық бағыттағы мамандар да қатысты.
- Біздің университетте психология факультеті 1992 жылы ашылды, – деді ҚӨУ ректоры Сейтбек ҚУАНЫШБАЕВ. – Оның негізін қалаған Лилия Вагановна Саркисян, ол әлі күнге дейін университетте дәріс береді. Мұнда отырған көптеген мамандар - оның шәкірттері. Енді сіздер де өз тәжірибелеріңізді келесі буынға жеткізуге дайынсыздар!
Бағдарлама өте мазмұнды болды: пленарлық отырыс, дөңгелек үстел және секциялық жұмыстар ұйымдастырылды. Шақырылған спикерлер жасөспірімдер психологиясы, психологтардың қызмет ерекшеліктері, эмоциялық интеллект және басқа да маңызды тақырыптар бойынша баяндама жасады.
Форум барысында айтылған барлық идеялар мен бастамалар өз жалғасын табады. Бұл үдеріс психология кафедрасының түлектері қауымдастығының қолдауымен жүзеге асады.
