23 желтоқсан күні А.Байтұрсынов атындағы ҚӨУ-нің журналистика және коммуникациялық менеджмент кафедрасының 4 курс студенттері түсірген шағын метражды деректі фильмдердің көрсетілімі өтті.
Іс-шараға «Хабар» агенттінің продюсері, журналист, PhD докторы Алма Сайлауқызы, журналист, ақын, дәріскер Нағашыбай Мұқатов және кафедра меңгерушісі Амангелді Шөрентаев қатысып, өз пікірлерімен және тәжірибелерімен бөлісті.
«Мен волонтермін…» және «Мен және...» деп аталатын екі жоба назарға ұсынылды. Оның бірінде егемен еліміздің ерікті (волонтер) жастарының ерлікті, елеулі жұмыстарының нәтижесі көрсетілсе, екіншісінде қазіргі замандағы жастардың ішкі түйсігі мен қорқынышы жайында өрбіді. Түсірілім жұмыстары аға оқытушы Гүлнұр Кәкімбектің «Деректі фильм жасау» пәні негізінде жүзеге асты.
Қонақтар екі фильмнің де жақсы жақтары мен түзету қажет тұстарын ескертіп, болашақ жас журналистердің алғашқы жобаларына сәттілік тіледі. Алдағы уақытта студенттердің осындай тәжірибелік жұмыстарына қатысты түрлі ұсыныстар мен тәжірибе алмасу тұстары да айтылды.
Фильмдердің толық нұсқасын кафедрамыздың You tube каналынына мына сілтемелер бойынша өтіп, көре аласыздар.
Мен волонтермын - https://youtu.be/bbvrNRvWRHU
Мен жане ... - https://youtu.be/ktv6qhMy8UU
