Baitursynuly University инклюзивті білім беру және инновациялық білім беру технологиялары орталығы мен қосымша білім беру бөлімі және бағдарламалық қамтамасыз ету кафедрасы ұйымдастырған университет оқытушылары мен қызметкерлері үшін корпоративтік оқыту курстары өтуде.
Университеттердегі корпоративтік оқыту - бұл тек тренд емес, қазіргі әлемнің талаптарына сай мамандарды даярлау қажеттілігі.
Практикаға бағытталған курстар, жасанды интеллектіні пайдалану және инклюзивті білім беру моделі - бұл білім беру мекемелеріне жылдам өзгеріп жатқан жағдайларға бейімделуге және студенттерді дайындаудың сапасын арттыруға көмектесетін негізгі бағыттардың бірі.
Курсқа ҚӨУ-дің 287 қызметкері мен оқытушылары қатысуда. Оларды жасанды интеллектінің таңғажайып әлеміне сертификатталған оқытушылар Бахтияр Жарлыкасов және Жанар Сатмаганбетова енгізуде.
Қатысушылардың айтуынша, алған білімдерін оқу процесінде қолданатын болады және бұл тиімді оқыту үшін жаңа мүмкіндіктердің есігін айқара ашады.
