Бүгін Басқарма Төрағасы – университет ректоры С.Қуанышбаевтың «KIA Kazakhstan» ЖШС бас директоры Kim Dae Ki мырзамен жұмыс кездесуі өтті.
Университеттің солтүстік өңірдегі инженерлік кадрларды даярлау бойынша ірі көпсалалы жоғары оқу орны болып табылатынын ескере отырып, болашақ зауыт үшін білікті мамандарды даярлау мәселелерінде ынтымақтастық перспективалары талқыланды.
Ким мырза зауыттың машина жасау саласында ғана емес, басқа да бағыттарда, соның ішінде дуальды оқыту жүйесі, білім алушылар мен оқытушылардың өндірістік практикаларын ұйымдастыру, білім беру бағдарламаларын әзірлеуге және жаңғыртуға қатысу арқылы кадрлар даярлауға қатысуына үлкен қызығушылық танытты.
«KIA Kazakhstan» зауытының басшылығы басқарушы директор Роман Глущенко атынан білім беру бағдарламаларын әзірлеуге белсенді қатысуды жоспарлап отыр, бұл кадрларды даярлау сапасын арттырады. Серіктестік Kia зауытының қажеттіліктеріне сәйкес келетін оқу бағдарламаларын әзірлеуге мүмкіндік береді және өңірдің машина жасау саласы үшін білікті мамандар даярлауға көмектеседі.
Айта кету керек, 2023 жылдың қарашасында университет Hyundai Motor Group және KIA Corporation стратегиялық серіктесі болып табылатын Оңтүстік Кореяның ең ірі Dong Eui университетімен ынтымақтастық туралы келісім жасады. Тиісінше, екі университеттің күш-жігері салынып жатқан зауыт үшін мамандар даярлауға бағытталатын болады.
Өзара тиімді ынтымақтастық білім беру мекемесі мен кәсіпорын арасындағы байланысты нығайтып қана қоймай, сонымен қатар студенттердің дайындық деңгейін арттыруға ықпал етеді және нақты өндірісте практикалық жұмыс тәжірибесін алуға мүмкіндік береді. Бұл тәсіл студенттерге еңбек нарығында сұранысқа ие болатын қажетті дағдылар мен білім алуға мүмкіндік береді.
