18 наурыз күні Тілдер және әдебиет теориясы кафедрасының оқытушылары «Заманауи білім беру жағдайында оқу үдерісін қарқындату» атты әдістемелік онлайн-семинар өткізді, оған Қостанай қаласының мектептері мен колледждерінің мұғалімдері шақырылды.
Семинарға 37 педагог қатысты, оның ішінде қаланың 12 мектебінің мұғалімдері, колледж оқытушылары, орыс тілі мен әдебиеті мамандығының 3 курс студенттері бар.
Семинардың мақсаты - білім беру саласында тәжірибе алмасу және озық технологиялармен танысу. Сондай-ақ білім беру процесінде дидактикалық және әдістемелік сипаттағы қиындықтарды анықтау, қашықтықтан оқыту жағдайындағы оқу процесін жетілдіру, орыс тілі мен әдебиетін оқытудың жаңа технологияларын, нысандары мен әдістерін енгізу.
Семинардың модераторлары: филология ғылымдарының кандидаты, қауымдастырылған профессор Татьяна Пчелкина, педагогика ғылымдарының магистрі, аға оқытушы Людмила Конвисарова.
Семинарда келесі баяндамалар оқылып, презентациялар көрсетілді:
Анастасия Бармина – мұғалім-модератор, баяндама тақырыбы – «Орыс тілі мен әдебиеті сабақтарындағы цифрлық білім беру ресурстары»;
Анна Рядинская – ҚИНЭУ кәсіпкерлік колледжінің жалпы білім беру пәндерінің оқытушысы. Баяндама тақырыбы – «Оқытуда miro онлайн тақтасын және Guizlet платформасын пайдалану»;
Надежда Григорьева – педагог-модератор, Қостанай қаласы, №2 мектеп-лицейінің мұғалімі. Баяндама тақырыбы – «Оқушылардың білім сапасын тексеру үшін Google Form, OnlineTest Pad сервистерін пайдалану»;
Елена Абих – педагог-модератор, М. Горький атындағы гимназияның мұғалімі. Баяндама тақырыбы – «Орыс тілін оқыту кезінде Quizzez электрондық ресурсының мүмкіндіктерін пайдалану»;
Анна Семкина – М. Қозыбаев атындағы №23 жалпы білім беретін мектебінің орыс тілі мен әдебиеті пәнінің мұғалімі мұғалімі, педагог-сарапшы. Баяндама тақырыбы – «Орыс тілі сабақтарында оқуға деген ынтаны дамытатын әдістер мен тәсілдер»;
Людмила Конвисарова – «Орыс тілі мен әдебиет» мамандығы бойынша педагогика ғылымдарының магистрі, аға оқытушы. «Кроссвордтар жасау үшін Online Test Pad платформасын пайдалану» тақырыбында баяндама оқыды;
Олеся Коваль – гуманитарлық ғылымдар магистрі, аға оқытушы. «Студенттердің білімін бекіту және тексеру үшін Quizizz қызметін пайдалану» жайында әңгіме өрбітті;
Қарлығаш Брімжанова – орыс тілі мен әдебиеті магистрі, аға оқытушы. «Педагогтардың кәсіби қызметіндегі цифрлық құралдар мен сервистер» мәселесін көтерді.
Онлайн-семинарға қатысушылар мектеп пен ЖОО-да қашықтықтан оқыту жағдайында инновациялық білім беру технологияларын енгізу мәселелерін талқылады, оларды іске асырудың әдістері мен тәсілдерімен бөлісті.
