Отбасы, оның формалары мен функциялары қоғамның мәдени даму деңгейіне тікелей байланысты. Қоғамның мәдениеті неғұрлым жоғары болса, отбасының мәдениеті де соғұрлым жоғары болады. Ө. Сұлтанғазин атындаы педагогикалық институтында «7М01101- Педагогика және психология» білім беру бағдарламасының магистранттарына осы кешенді мәселені қарастыру мақсатында «Қазақстандық жастардың отбасылық құндылықтарының дамуы мен мәдениеті» атты коуч-семинар өткізілді.
Семинар соңында «Отбасылық құндылықтар» атты коуч-тренинг өткізілді. Іс-шараның модераторлары Педагогика және психология кафедрасының оқытушылары: Римма Бектұрғанова - педагогика ғылымдарының докторы, профессор; Ризабек Назмутдинов - педагогика ғылымдарының кандидаты, профессор; Анар Маканова - психология магистрі, аға оқытушы. Практикалық психологтар Ирина Марченко мен Махаббат Сейткенова коуч-тренинг өткізді. Семинар мен тренингке қатысушылар оның танымдық құндылығын, уақыт талабына сай екендігін атап өтті.
