В.Двуреченский атындағы ауыл шаруашылығы институтының агрономия кафедрасында Ғылым күніне арналған «Тұрақты ауыл шаруашылығының көрінісі: қазіргі және даму болашағы» тақырыбында дөңгелек үстел өтті. Оған «Заречное ауылшаруашылық тәжірибе станциясы» ЖШС нақты және органикалық егіншілік зертханасының меңгерушісі Юрий Тулаев қатысты. Іс-шараға «Агрономия» мамандығының 1-4 курс студенттері, кафедраның профессорлық-оқытушылық құрамы қатысты.
Іс-шарада бірінші болып сөз алған дөңгелек үстелдің модераторы – «Агрономия» кафедрасының меңгерушісі Екатерина Екатеринская. Ол өз сөзінде дөңгелек үстел тақырыбының маңыздылығы мен өзектілігін атап өтті. Оның пікірінше, бұл түлектерді жұмысқа орналастыруда кездесетін проблемаларды жақсы түсінуге көмектеседі.
Шара барысында тұрақты ауыл шаруашылығына арналған ресурстарды үнемдеу тәсілдері; өсімдік шаруашылығындағы цифрландыру; кескінді цифрлық өңдеудің принциптері мен қолданулары; Геоақпараттық жүйелер; аэрофото және спутниктік түсірілімдер; нақты уақыттағы жүйелер, ауыл шаруашылығында ұшқышсыз ұшатын аппараттарды пайдалану; жергілікті метеорологиялық станциялар сияқты тақырыптар талқыланды. Бұл тақырыптар студенттердің таным процесіне тереңірек бойлап, оқуға, болашақ мамандығына деген қызығушылығын оятады, сондықтан студенттер белсенді түрде сұрақтар қойды.
