Baitursynuly University-де Huawei кабинеті ашылды! Енді студенттер заманауи жаңа технологияларды меңгеріп, IT саласындағы ең батыл армандарын жүзеге асыра алады.
Мұндай мүмкіндік ҚӨУ мен Huawei Kazakhstan компаниясы арасындағы серіктестік нәтижесінде пайда болды. Ынтымақтастық туралы меморандум аясында біздің студенттер Huawei оқу платформасына тегін қол жеткізіп, түрлі ақпараттық-коммуникациялық технологиялар саласындағы курстардан өте алады. Оқуды аяқтаған соң, оларға емтихан тапсыруға және әлемдік деңгейдегі сертификаттар алуға арналған ваучерлер беріледі.
ҚӨУ студенттері алған білімдерін Huawei ICT Competition байқауында үздік нәтижелері арқылы дәлелдеп жүр.
