Ө.Сұлтанғазин атындағы педагогикалық институттың Жаратылыстану ғылымдары кафедрасының аға оқытушысы, жаратылыстану ғылымдарының магистрі Аян Қожмұхаметова «Биология-химия» ББ-ның 1 курс студенттері үшін «Өсімдіктер анатомиясы мен морфологиясы» пәнінен ашық зертханалық сабақ өткізді. Сабақтың тақырыбы – «Жапырақтың морфологиялық және анатомиялық құрылысы».
Сабақ барысында жапырақ тақтасының морфологиялық және анатомиялық ерекшеліктері қарастырылды.
Ашық сабақта оқытушы интерактивті технологияларды қолданды, олар студенттердің оптикалық аспаптармен зерттеу жұмыстарымен ұштасып, гербарийлермен жұмыс істеу әдістері белсенді түрде қолданылды. Бұл әдістердің барлығы студенттердің материалды жақсы меңгеруіне ықпал етті.
«Биология» ББ және «Химия» ББ-ның әдістемелік комиссиясының төрағасы мен мүшелері ашық сабақтың деңгейін және студенттердің дайындығын жоғары бағалады.
