9 ақпан күні тілдік дайындық орталығының аға оқытушысы Олеся Коваль орыс тілі пәні бойынша шетел тілі тобының студенттерімен ашық сабақ өткізді. Тәжірибе алмасу мақсатында сабаққа тілдік дайындық орталығының оқытушылары шақырылды. Ашық сабақтың тақырыбы – «Ғылыми жаңалықтар мен этика».
Сабақ барысында Олеся Коваль студенттерді маңызды ғылыми жаңалықтармен және этикамен таныстырып, мүшелерді трансплантациялау тақырыбына толығырақ тоқталды.
Сыни ойлауды дамыту технологияларының көмегімен студенттер ағзаларды трансплантациялаудың маңыздылығы туралы қойылған сұрақтарға жауап берді, Қазақстандағы трансплантологияның қазіргі проблемаларын анықтады, келісім презумпциясы туралы заңды зерттеді.
Білім алушылар қызығушылықпен, сұрақтарға сауатты және толық жауап беріп, әлемдегі және Қазақстандағы трансплантология мәселесі туралы айтты. Сабақ соңында студенттер ой еркіндігінің көріністерінің бірі - ғылыми зерттеулер жүргізу, бірақ олардың мақсаты адамдардың қайғы-қасіретін азайту және адам мен жалпы адамзаттың денсаулығын жақсарту болуы керек деген тұжырымға келді.
