Қостанайда Baitursynuly University және University of Minnesota Morris арасында қос дипломды білім беру туралы меморандумға және шартқа ресми қол қою рәсімі өтті.
Қостанай өңірлік университеті және University of Minnesota Morris (АҚШ) өкілдері ынтымақтастықтың басталуын онлайн форматта ресімдеді.
6B06104 Computer science (B057 «Ақпараттық технологиялар» ББ) білім беру бағдарламасы бойынша "екі диплом" форматындағы оқыту Қостанай жоғары оқу орнында және америкалық университетте жүзеге асырылады. Оқу аяқталғаннан кейін түлектер екі диплом алады.
ҚР Ғылым және жоғары білім министрі Саясат Нұрбек екі жоғары оқу орнының жылдам ынтымақтастығын атап өтті және студенттер мен оқытушыларға сәттілік тіледі.
University of Minnesota Morris ректоры Janet Schrunk Ericksen:
"Бұл ынтымақтастықтан екі университеттің де пайдасы болады. Бұл тек бастама екеніне сенімдімін!”
Қостанай студенттері үшін бұл ынтымақтастық әлемдік деңгейдегі білім мен тәжірибе алудың жаңа мүмкіндіктерін ашады.
"Машина жасау, энергетика және ақпараттық технологиялар факультетіміз қазір екі елмен жұмыс істейді, - деді А.Байтұрсынұлы атындағы ҚӨУ ректоры Сейтбек Қуанышбаев. - Оңтүстік Корея - машина жасау және енді АҚШ - IT бағыты бойынша. Ұжымды құттықтаймын! Бұл маңызды және жауапты қадамдар".
Биыл "екі диплом" форматында оқитын студенттер де рәсімге қатысты.
Министр оларға сәттілік тілеп, құнды кеңес берді:
"Бұл жастар үшін бірегей мүмкіндік. Бірақ оны жіберіп алмау маңызды - жақсы оқып, өзіңмен жұмыс істеу керек. Өсу - бұл әрдайым күш-жігер. Сол себепті оқытушыларға да, студенттерге де білім беру жүйесінің жаңа мүмкіндіктерін барынша пайдалану үшін ынталы еңбекке бейімделу маңызды".
