РФ, Орехово-Зуево қаласының Мемлекеттік гуманитарлық-технологиялық университетімен ынтымақтастық мәселелері бойынша онлайн конференция өтті.
МГТУ - біздің бұрыннан келе жатқан шетелдік серіктесіміз. Биыл Ресей жоғары оқу орны біз өткізетін "Иннова-2021" халықаралық ғылыми-әдістемелік конференциясының қатысушысы болды.
Пандемия жағдайындағы жаңа сын-қатерлер ынтымақтастықтың жаңа тәсілдері мен нысандарын талап етеді. Конференция барысында виртуалды академиялық ұтқырлық туралы келісімге қол қойылды. Жобаға сәйкес МГТУ-дың 273 білім алушысы 9 пән бойынша виртуалды академиялық ұтқырлықтан өтеді.
А. Байтұрсынов атындағы ҚӨУ атынан виртуалды академиялық ұтқырлықтан 350 студент өтіп, келесі пәндер бойынша біліктіліктерге ие болады:
-XXI ғасырдың құзыреті,
-Тиімді команда құру технологиясы,
-Жас ерекшелік анатомиясы және физиологиясы,
-Жаратылыстану-ғылыми сауаттылықты қалыптастыру бойынша практикаға бағытталған тапсырмаларды шешу әдістемесі ;
-Ағылшын тілі бойынша халықаралық емтихандардың негізгі форматтары,
-Жобалық менеджмент,
-Android платформасына арналған мобильді қосымшаларды әзірлеу,
-Мемлекет және құқық теориясы,
-Өсімдіктердің морфогенезін басқару,
-Сандық кеңістіктегі философия,
-Оқушылардың практикалық математикалық сауаттылығын қалыптастыру.
Сонымен қатар, ағымдағы оқу жылында келесі іс-шаралардың жүзеге асыру жоспарланып отыр:
-А.Байтұрсынов атындағы ҚӨУ 7М01101 Педагогика және психология мамандығының магистранттарына виртуальды тағылымдама,
-"Биология" бағыты бойынша қос дипломды білім берудің магистрлік бағдарламасын әзірлеу.
