Бүгін өскелең ұрпақтың адамгершілік-рухани тәрбиесін дамыту және өзара іс-қимылды жақсарту мақсатында Адамның үйлесімді дамуы Ұлттық институтымен ынтымақтастық туралы екі жақты келісім жасалды. Меморандумға университетіміздің ректоры Алма Дощанова мен Адамның үйлесімді дамуы Ұлттық институтының бірінші вице-президенті Иса Самсаев қол қойды.
Университет базасында Сара Назарбаева негізін қалаған "Бөбек" Ұлттық ғылыми-практикалық, білім беру және сауықтыру орталығының қолдауымен Адамның үйлесімді дамуы Ұлттық институтының филиалы ашылды.
Біздің ынтымақтастығымыз "Өзін-өзі тану" адамгершілік-рухани білім беру бағдарламасы бойынша педагогикалық кадрларды даярлауға жағдай жасауға бағытталған.
"Өзін-өзі тану" – бұл балалар мен жастарды тәрбиелеу және оқыту жүйесінің негізі. Өзін-өзі тану негізгі жалпыадамзаттық құндылықтарға: көршімен сыйласуға, өзара сыйластыққа, бір-біріне көмектесуге үйретеді.
Бұл филиалдың ҚӨУ педагогикалық институтының негізінде ашылуы стратегиялық маңызды. Мұнда жалпы білім беретін мектептердің, гимназиялардың, лицейлердің, колледждердің, университеттердің мұғалімдері оқып, біліктілігін арттыратын болады.
Ынтымақтастық шартына мыналар кіреді:
- ғылыми-зерттеу және оқу материалдарымен алмасу,
- ғылыми және сараптамалық зерттеулерді ұйымдастыру және олардың нәтижелерін білім беру ұйымдарының қызметіне енгізу,
- бірлескен жобаларды жүзеге асыру.
Жаңадан ашылған өзін-өзі тану кабинеттері бағдарлама бойынша біліктілікті арттыру курстарының тыңдаушылары үшін лекциялар мен практикалық сабақтар өткізуге арналған көрнекі құралдармен, оқу құрал-жабдықтарымен, жиһаздармен және техникалық оқу құралдарымен жабдықталған. Бұл бастама болашақ мамандарды даярлау процесіне оң әсер етеді деп сенеміз.
