Студенттер үшін университеттегі оқудың соңғы кезеңі – диплом қорғау. Журналистика мамандығының түлектері мемлекеттік аттестаттау комиссиясына ең өзекті тақырыптар бойынша ғылыми еңбектерін ұсынды: «Медиалық және ақпараттық сауаттылықтың жаңа технологиялары», «Мультимедиалық журналистика: тәсілдері мен құралдары», «Дата – журналистика: қазақстандық және шетелдік БАҚ-тағы қазіргі даму тенденциялары», «Қазіргі Қазақстанның публицистиканың құрылымындағы фотожурналистика (2019-2020 жж.)», «Азаматтық интернет-журналистика жастардың сыртқы көші-қонына қарсы әрекетінің ресурсы ретінде», «Тұтынушылық журналистика қазіргі қоғамның даму факторы ретінде».
Олардың ішінде ҚМУ-нің Журналистика және коммуникациялық менеджмент кафедрасының алғашқы оқытушыларының бірі, Ұлттың рухани көсемі Ахмет Байтұрсыновтың есімін зерттеуге және оның ғылыми зерттеулерін танып-білуге үлес қосқан қостанайлық журналист, жазушы Байтұрсын Ілиястың еңбектерін зерттеген дипломдық жұмыс та болды.
Мемлекеттік емтихан комиссиясының төрағасы, «Қостанай таңы» газетінің бас редакторы Жанұзақ Аязбеков студенттердің қорытынды жұмысқа дайындығын жоғары бағалады. Айта кету керек, барлық жұмыстар плагиатқа қарсы бағдарламадан сәтті өтті.
