Онда аймақтың 17 әскери-патриоттық клубынан 100-ден астам адам қатысты. Жарыс бірден үш маңызды күнге орайластырылды: Отан қорғаушылар күні, Жеңіс күні және Халық Қаһарманы Сағадат Нұрмағамбетовтың 100 жылдығы.
"Бүгін мұнда сынақтардан қорықпайтын, рухы мықты қыз-жігіттер жиналды, - деді Baitursynuly University әскери кафедрасының бастығы, полковник Олег ОБОРИН. - Мұндай жарыс түрлері жыл сайын басымызды біріктіретін дәстүрге айналады деген үміттенеміз. Барлығыңызға сәттілік тілеймін!"
Қатысушылардан жауынгерлік көңіл-күй байқалады. Сынға түскендер «жараланғандарды» құтқарып, сарбаздар асханасында әскер ботқасын пісірді, қаруды шашып-құрастырып, «мина» алаңын залалсыздандырып, кедергілер жолағынан өтті. Барлығы сәтті өтті.
Айтпақшы, олар физикалық жағынан ғана емес, интеллектуалды тұрғыдан да жарысты. Қатысушылар қарулы қақтығыстар мен басқа да төтенше жағдайлар кезінде қалай әрекет ету керектігін бүге-шігесіне дейін жаттап алды.
Әділ сайыстың барлық кезеңдерінің қорытындысы бойынша Қостанай жоғары политехникалық колледжінің «Жас Сарбаз» командасы бірінші орынды иеленді. Жеңімпаз құрамадан азғана ұпаймен қалған А.Байтұрсынұлы атындағы Заречный жалпы білім беретін мектептің «Жігер» клубы екінші қатардан көрінді. Үшінші орында – Рудный қ. М.Дулатов атындағы жалпы білім беретін мектептің «Жас Сарбаз» командасы.
Қатысушылар бай тәжірибе ғана емес, сонымен қатар хоббиді мамандыққа қалай айналдыру керектігі туралы толық ақпарат алды. Айтпақшы, Baitursynuly University – аймақтағы жалғыз әскери кафедрасы бар оқу ордасы.
Артықшылықтары: әскери кафедрадаға дайындық азаматтық оқумен бір мезгілде өтеді, яғни студент әскери қызметке уақытын жоғалтпайды, бірден әскери билет пен «запастағы лейтенант» және «запастағы кіші сержант» әскери атақтарын алады. Запастағы офицерлерді даярлау бағдарламасы бойынша оқыту 2 жыл, запастағы сержанттарды даярлау – небары бір жыл ғана.
Айтпақшы, ер балалармен қатар қыздар да әскери кафедраның студенті бола алады.
