Baitursynuly University студенттерінен құралған команда Алматы қаласында өткен Республикалық сыбайлас жемқорлыққа қарсы студенттік олимпиадада жүлделі 2 орынды иеленді! Бұл - үлкен жетістік, себебі бастапқыда жеңіс үшін 90 команда үміткер болған.
“Заң сақшылары” командасының құрамына «Құқықтану» білім беру бағдарламасының 3 курс студенттері: Алтынай Тлеуленова (команда капитаны), Сергей Герцель, Амир Куандык және Ерсұлтан Үсен енді. Топ жетекшісі – мемлекет және құқық теориясы кафедрасының аға оқытушысы Индира Талтанова.
Қазақстан Республикасының Сыбайлас жемқорлыққа қарсы қызметінің 10 жылдығына арналған олимпиаданың финалдық кезеңі үш бөлімнен тұрды: сыбайлас жемқорлыққа қарсы заңнаманың негіздерін білуге арналған тестілеу, кейстік тапсырмаларды шешу және капитандар сайысы. “Заң сақшылары” барлық кезеңнен сәтті өтіп, жүлдегерлер қатарына қосылды.
Студенттерге кубок, 2 дәрежелі диплом және ақшалай сертификат табысталды.
Жеңімпаздар атап өткендей, олардың жетістігі – мемлекет және құқық теориясы кафедрасының барлық оқытушыларының ерең еңбегінің нәтижесі, олар студенттердің олимпиадаға дайындығына барынша қолдау көрсетті.
Студенттерімізді құттықтаймыз, алдағы уақытта да биік белестерді бағындыра беріңіздер!
