Baitursynuly University студенттерімен лудомания тақырыбында кездесу өтті.
Іс-шараға ҚӨУ-дің әлеуметтік-тәрбие жұмысы жөніндегі проректоры Нурлыхан Темирбеков, Қостанай облысы әкімі аппаратының этика жөніндегі уәкілі Кайрат Сюндиков, өңірдің денсаулық сақтау саласының ардагері Валентин Якимов, ҚӨУ-дің комплаенс-қызметінің офицері Дархан Белгибаев және университеттегі жастар саясаты басқармасының басшысы Диана Ракпанова қатысты.
Қатысушылар жастардың құмар ойындарға тәуелді болу себептерін талқылап, лудоманияның салдарына ерекше назар аударды. Сондай-ақ, ойынға тәуелділіктің сыбайлас жемқорлыққа қатысты қыры да қарастырылды.
Кездесу соңында жастарды мұқият болуға, құмар ойындардың арбауына түспеуге және алған білімдерін достары мен жақындарымен бөлісуге шақырды.
