Ғылыми кеңестің 2022-жылдағы соңғы отырысы мерекелік құттықтаумен басталды. Адал еңбегі, жоғары кәсібилігі және белсенді өмірлік ұстанымы үшін Құрмет грамоталарымен 30 қызметкер марапатталды. 19 қызметкерге жемісті еңбегі мен университеттің дамуына қосқан үлесі үшін Алғыс хаттар табыс етілді. Оқу ордасының 11 оқытушысы Ғылым және жоғары білім министрлігінің Құрмет грамоталарымен және Алғыс хаттармен марапатталды. Ал университетіміздің 16 ғалымына Ахмет Байтұрсыновтың өмірі мен қызметі, шығармашылық мұрасын зерттеуге және өскелең ұрпақты оқыту, тәрбиелеу ісіндегі елеулі жетістіктері үшін «Ахмет Байтұрсынов» құрмет медальдары табысталды. Сонымен қатар жиында өткен жылдың қорытындысы шығарылып, келер жылға жоспар құрылды.
Сондай-ақ мереке қарсаңында ректор Сейітбек Қуанышбаев барлық құрылымдық бөлімшелердің қызметкерлерімен кездесіп, құттықтады.
Марапатталған қызметкерлер тізімімен төмендегі СІЛТЕМЕ арқылы өтіп, таныса аласыздар.
Салтанатты жиындағы фото-суреттерді сілтеме арқылы өтіп, жүктеп алуыңызға болады:
https://disk.yandex.kz/d/Mz7RmfbgoflCGA
