«Тәуелсіз аккредиттеу және рейтинг агенттігі» (IAAR) комиссиясының сарапшылары Baitursynuly University жұмысын жалғастыруда.
Бүгін олар ҚӨУ студенттерімен кездесіп, аналитикалық сұхбат және сауалнама жүргізді. Сонымен қатар комиссия мүшелері біздің практикалық базаларымызға барып, жұмыс берушілермен әңгімелесті. Біз университет қабырғасында түлектерімізді көргенімізге қуаныштымыз, олармен де сарапшылар сұхбаттасты.
Еске сала кетейік, бес білім беру бағдарламасының халықаралық мамандандырылған аккредиттеуден өтуіне байланысты сарапшылар Ахмет Байтұрсынұлы атындағы ҚӨУ-де 28-30 сәуір аралығында IAAR стандарттарына сәйкес жұмыс жүргізуде.
