18-400-11 тобының үшінші курс студенті Мерей Сахиев Рудный қаласының Бейімбет Майлин атындағы №7 мектеп-гимназиясының 11 сынып оқушыларымен ZOOM платформасы арқылы онлайн форматта кездесті. Кездесу Экономика және құқық институты Азаматтық құқық кафедрасының аға оқытушысы Құралай Ахмединованың бастамасымен ұйымдастырылды.
Мерей Сахиев - біздің университеттің үздік студенттерінің бірі. Сондай-ақ ол «Жас Сарбаз» балалар мен жасөспірімдер әскери-патриоттық қозғалысы »республикалық қоғамдық бірлестігінің Қостанай облысындағы филиалының төрағасы, Қазақстан Республикасы үздік студенттер академиясының Қостанай облысы Сенатының төрағасы, Қазақстан Республикасы Президенті шәкіртақысының иегері. Мерей мектеп оқушыларына жоғары білім алудың артықшылықтары, жұмысқа орналасу мәселелері, екінші жоғары білім алу шарттары туралы және А.Байтұрсынов атындағы Қостанай өңірлік университеті туралы егжей-тегжейлі айтып берді. Талапкерлер әскери кафедра, студенттерге арналған түрлі қызықты іс-шаралар туралы ақпаратқа қанықты. Аталмыш шара онлайн-кездесудің барлық қатысушылары үшін пайдалы және қызықты болды.
