Жаңа оқу жылының басталуына аз ғана уақыт қалды. Студенттерді А.Байтұрсынов атындағы Қостанай өңірлік университетінің оқу үрдісіндегі жаңашылдықтар қызықтырады.
1 курс студенттері үшін қыркүйек айында университет қабырғасында ұйымдастырушылық іс-шаралар өткізіліп, олар өз эдвайзерлерімен танысады. Олардың сабақтары аралас оқыту форматында, яғни дәстүрлі және қашықтан білім беру түрінде өтеді. Бұл дегеніміз, қыркүйек айында бірінші курс студенттері университеттің қабырғасында дәрістер мен практикалық сабақтарды оқиды, бірақ күніне 3-дәрістен аспайды және барлық санитарлық нормаларға сәйкес өткізіледі. Қалған сабақтар қашықтықтан оқытылатын болады. Әрі қарай, қазаннан желтоқсанға дейін 1 курс студенттерін оқыту белгіленген ережелерге сәйкес – онлайн режимде жүзеге асырылады.
Екінші курс студенттері оқу жылын қашықтықтан оқыту режимінде бастайды, ал қазан айында олар университетке келулері керек, бұл айдағы сабақтар аралас форматта өтеді. Осы уақытта олар дене шынықтыру және әскери дайындық стандарттарын тапсырады.
3-5 курс студенттері үшін қыркүйек-қазан айларында оқу қашықтықтағы форматта оқу жоспары бойынша өтеді, бірақ әр бағыт бойынша егжей-тегжейлі кесте жасалады. Бірақ қараша-желтоқсан айларында университеттің қабырғасында жоғары сынып оқушылары үшін қашықтықта өткізуге келмейтін зертханалық сабақтар ұйымдастырылады.
